«dauletmurat tajimuratov» tegli maqolalar
“Ezgulik” jamiyati raisi Navoiyda Dauletmurat Tojimuratov bilan uchrashdi
O‘zbekiston inson huquqlari “Ezgulik” jamiyati raisi Abdurahmon Tashanov Nukus voqealari bo‘yicha qamalgan Dauletmurat Tajimuratov bilan uchrashdi. Mahkum xat va banderollarning kechikib kelayotganidan, o‘zining xatlari tashqariga chiqishi qiyin bo‘layotganidan shikoyat qildi.
Ombudsman Navoiydagi koloniyada Dauletmurat Tajimuratov bilan uchrashdi
Ombudsman Navoiydagi 11-koloniyada Nukus voqealari bo‘yicha qamalgan Dauletmurat Tajimuratov bilan uchrashdi. Koloniya rahbariyati unga alohida imtiyoz yoki cheklovlar berilmagani va belgilangan tartibda jazo o‘tayotganini, Tajimuratov esa qiynoq yoki tazyiq o‘tkazish holatlari mavjud emasligini bildirdi.
Ombudsman BMT ekspertlarining Dauletmurat Tajimuratov haqidagi bayonotiga javob berdi
BMT mustaqil ekspertlari huquq himoyachisi Dauletmurat Tajimuratov 2022-yil iyulida Qoraqalpog‘istonda sodir bo‘lgan voqealar yuzasidan Urganchdagi 11-tergov izolyatorida jismoniy va ruhiy bosimga uchraganini ma’lum qildi. O‘zbekiston Ombudsman idorasi Tajimuratov qiynoqlar haqida xabar bermaganini bildirdi.
Human Rights Watch Dauletmurat Tajimuratovni ozod qilishga chaqirdi
Human Rights Watch tashkiloti Dauletmurat Tajimuratovni ozod qilishga chaqirdi. Tashkilot sudni “odil sudlov me’yorlariga javob bermagan” deb hisoblab, Tajimuratovning qiynoqlar haqidagi da’volari bo‘yicha samarali tergov o‘tkazilmaganini ta’kidlamoqda.
“Bu adolatsiz va noqonuniy qaror” — Dauletmurat Tajimuratovning advokati
Advokat Sergey Mayorov Dauletmurat Tajimuratov bo‘yicha apellyatsiya sudi qarorini “adolatsiz” va “noqonuniy” deb atadi. Uning so‘zlariga ko‘ra, hukm o‘zgartirilishiga o‘zi ham, mijozi ham ishonmagan. Sud boshqa barcha ayblanuvchilar uchun jazoni yengillashtirdi.
Nukus ishi bo‘yicha 8 nafar sudlanuvchi qamoqdan chiqarildi, Tajimuratovga nisbatan hukm o‘zgartirilmadi
Apellyatsiya sudi Qoraqalpog‘iston voqealari yuzasidan jinoyat ishi bo‘yicha 8 nafar ayblanuvchining jazosini ozodlikni cheklash bilan almashtirdi, 6 nafar sudlanuvchining muddati qisqartirildi, Dauletmurat Tajimuratovning muddati o‘zgarishsiz qoldi. Sud prokuraturaning 4 kishiga nisbatan protestini rad etdi.
Nukus voqealari bo‘yicha sud: ayblov tomoni Tajimuratovdan boshqa 13 nafar sudlanuvchiga nisbatan jazoni qisqartirishni so‘radi
Nukus voqealari ishi bo‘yicha apellyatsiya sudida muzokaralar tugadi. Hukm chiqishi kutilmoqda. Prokuror 4 nafar ayblanuvchining shartli jazosini real muddatlarga almashtirish, 13 nafar mahkumning jazosini yengillashtirish, ulardan 8 nafarini esa ozod qilishni so‘radi. Tajimuratov va uning advokati bayonot berdi.
Nukus voqealari bo‘yicha apellyatsiyada ekspertlar so‘roq qilindi (+foto)
Nukus voqealari bo‘yicha apellyatsiyani ko‘rib chiqayotgan sud Dauletmurat Tajimuratovning advokati Sergey Mayorov iltimosiga ko‘ra ekspertlarni so‘roqqa taklif qildi. Himoyachi ularning javoblariga qo‘shilmasligini aytdi. U sudda qo‘yilgan 1−2-iyul voqealariga oid videoni “jurnalistlik hissiyotli xabar” deb atadi.
Nukus voqealari bo‘yicha ayblanuvchilar jazoni yengillashtirishni so‘radi
Nukus voqealari bo‘yicha apellatsiya ishi jarayonida sudlanuvchilar va advokatlar jazoni yengillatishni, marhum Shamshetovni esa oqlashni so‘radi. Prokuratura shartli ravishda hukm qilingan 4 nafar sudlanuvchiga nisbatan jazoni kuchaytirishni so‘radi. Birinchi kuni Tajimuratov va Nayipov o‘rtasida mojaro kelib chiqdi.
Ombudsman vakillari tergov hibsxonasidagi Dauletmurat Tajimuratov bilan uchrashdi
Ombudsman va jamoatchilik guruhlari vakillari 1-sonli tergov hibsxonasi (“Toshturma”)da bo‘lib, Nukus voqealari yuzasidan jinoyat ishi bo‘yicha sudlanganlar, jumladan, Dauletmurat Tajimuratov bilan uchrashdi. Sudda u ombudsmanni tanqid qilgandi.
Qoraqalpog‘iston voqealari bo‘yicha apellyatsiya jarayoni kechiktirildi
Sud Dauletmurat Tajimuratovning asosiy advokati kelmagani sababli Qoraqalpog‘iston voqealari bo‘yicha jinoyat ishi doirasida apellyatsiya jarayoni boshlanishini 10-mayga qoldirdi. Ayblanuvchi prokurorlarni almashtirish va ishni qayta ko‘rib chiqish uchun qaytarishni so‘radi, biroq rad javobini oldi.
Dauletmurat Tajimuratovning advokati Oliy sudga apellyatsiya shikoyatini kiritdi
Qoraqalpog‘istondagi iyul voqealari bo‘yicha jinoiy ishda sudlangan Dauletmurat Tajimuratovning ukasi va advokati Rinat Tajimuratov O‘zbekiston Oliy sudiga apellyatsiya shikoyatini kiritdi. U jazoni yengilrog‘iga almashtirish va moddiy zararni to‘lashdan ozod qilishni so‘radi.
Dauletmurat Tajimuratovning qiynoqlar haqidagi bayonoti tekshirilishi kerak — HRW
Human Rights Watch tashkiloti Dauletmurat Tajimuratovning hibsda qiynoqqa solingani haqidagi da’volari tekshirilishi kerakligini bildirdi. Inson huquqlari tashkiloti, shuningdek, «huquq-tartibot organlari asossiz o‘qotar quroldan foydalangani uchun» hanuz hech kim jazolanmaganini eslatib o‘tdi.
«Adolatsiz hukm chiqarildi» — Dauletmurat Tajimuratovning ukasi
Nukus voqealari ishi bo‘yicha 16 yilga qamalgan Dauletmurat Tajimuratovning ukasi Rinat Tajimuratov «Gazeta.uz»ga bergan intervyusida sud ishi va apellyatsiya berish rejalari haqida gapirdi. Uning aytishicha, ayblov «to‘liq yutqazdi», akasining aybi va tashqi kuchlarning ehtimoliy ta’sirini isbotlay olmadi.
«Sudda Tajimuratovga qarshi kelishib olganimiz yo‘q» — Nukus voqealari bo‘yicha sudlanuvchi Ahmet Smetullayev
Odamlarni tartibsizliklarga jalb qilishda ayblangan Nukus voqealari ishtirokchisi Ahmet Smetullayev shartli jazo olib, sud zalidan ozod qilindi. U OAV bilan uchrashuvda «imkoniyat bergani uchun» prezident Mirziyoyevga rahmat aytib, o‘zini «Dauletmurat Tajimuratovni sotgan» deb hisoblamasligini bildirdi (video).
Dauletmurat Tajimuratov 16 yilga ozodlikdan mahrum etildi
Qoraqalpog‘iston voqealari bo‘yicha jinoiy ish yuzasidan asosiy ayblanuvchi Dauletmurat Tajimuratov 16 yilga ozodlikdan mahrum etildi. Jazoning dastlabki 2 yilini turmada, qolgan qismini qattiq tartibli koloniyada o‘tash, shuningdek, undan 228 mln so‘m zararni undirish belgilandi.
Dauletmurat Tajimuratov sudda o‘z himoyasi uchun nimalar dedi?
Tajimuratov sudda uning aybini tasdiqlovchi dalillar taqdim etilmagani, amaldorlar farqli ko‘rsatmalar berganini ma’lum qildi. U namoyishlargacha davlat organlaridan jim turmaslikni so‘ragani va mustaqillik uchun urinmaganini aytdi. Ayni vaqtda, «mustaqillikni orzu qilish jinoyat emas»ligini ta’kidladi.
Prokuror Tajimuratovga 18 yil, Kallixanovaga esa — 11 yil berishni so‘radi
Davlat ayblovchisi Nukus voqealari bo‘yicha asosiy ayblanuvchilar bo‘lgan Dauletmurat Tajimuratovga 18 yil, Lolagul Kallixanovaga esa 11 yil qamoq jazosini berishni so‘radi. Ish bo‘yicha boshqa sudlanuvchilarga kamroq muddat, faqat ikki gumondorga — uy qamog‘i jazosi so‘raldi.
«Kamalov va Orinbayev ko‘rsatma beradi deb umid qilamiz» — Nukus voqealari bo‘yicha komissiya a’zosi
Parlament komissiyasi a’zosi Gulnoz Mamarasulova «Gazeta.uz» bilan suhbatda Nukus voqealari bo‘yicha sud jarayoni qanday kechayotgani, Qoraqalpog‘istonning sobiq va amaldagi rahbarining ko‘rsatmasi muhimligi, qolaversa, nima uchun komissiya haligacha o‘z hisobotini e’lon qilmagani haqida so‘zlab berdi.
Tajimuratov — qiynoqlar, Nukusdagi namoyishlar va ayblov moddalari haqida
Dauletmurat Tajimuratov ko‘rsatuvining yakuniy qismi va so‘roq vaqtida Nukusda tazyiqqa uchragani, Urganchda esa qiynoqqa solinmagani, tanqid «uning yo‘nalishi» ekani hamda O‘zbekiston uchun yuragi og‘riyotganini aytdi.
Eng ko‘p o‘qilgan xabarlar | So‘nggi yangiliklar
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- To‘ldirildi: Davlat idoralari o‘z avtoparkini elektromobillar bilan yangilamoqda
- Orolbo‘yidan 70 mln yillik dinozavr suyagi topildi
- O‘zbekiston Afg‘onistonga 169 tonnadan ortiq insonparvarlik yordamini yubordi (foto)
- “Afrosiyob” elektropoyezdlari uchun chiptalar narxi yana oshadi
Qo‘shimcha imkoniyatlarga ega bulish uchun saytda ro‘yxatdan o‘ting